Shpejtësia
Në zonën ku lejohet vozitja 100km/h, shoferi drejton veturën me shpejtësi 253km/h: Policia tregon për gjobat
Një burrë është gjobitur me 300 euro dhe me tre muaj ndalim drejtimi të automjetit.
Kjo pasi që i njëjti në zonën ku kufizimi i shpejtësisë ishte 100 km/h ka vozitur me shpejtësi 253 km/h.
Lajmin e ka bërë të ditur Policia e Kosovës përmes një njoftimi në Facebook.
“Njësia për Kontroll të Autostradave në zonën ku kufizimi i shpejtësisë është 100 km/h ka identifikuar shoferin duke drejtuar mjetin me shpejtësi 253 km/h, i njëjti është gjobitur me 300€ dhe 3 muaj i është ndaluar drejtimi i mjetit me veprim motorik”, thuhet në njoftim.
