Në qoftë se vendi shkon në zgjedhje, këto janë rekomandimet e Ministrisë së Shëndetësisë

Ministria e Shëndetësisë, gjatë ditës së sotme ka publikuar Manualin për Parandalimin dhe Luftimin e virusit COVID-19, i cili pritet të hynë në fuqi nga 22 qershori.

Në Manualin për Parandalimin dhe Luftimin e coronavirusit, janë dhënë edhe disa udhëzime që ofrojnë rekomandime për pastrimin rutinor dhe dezinfektimin e zonave të vendndodhjes së votimit dhe pajisjet e lidhura të votimit (p.sh.: stilolapsa, kuti votimi, kompjuterë),  si dhe sugjeron veprimet që punëtorët e qendrave të votimit mund të ndërmarrin për të zvogëluar rrezikun ndaj ekspozimit të COVID-19 duke kufizuar mbijetesën e virusit në mjedis.

Veprimet për zyrtarët e zgjedhjeve përpara ditës së zgjedhjeve:

– Inkurajoni votuesit të përdorin metodat e votimit që minimizojnë kontaktin e drejtpërdrejtë me njerëzit e tjerë dhe zvogëlojnë madhësinë e turmës në qendrat e votimit.

– Inkurajoni metodat e votimit me postë nëse lejohen në juridiksion.

– Inkurajoni votimin e parakohshëm, ku turmat e votuesve mund të jenë më të vogla përgjatë gjithë ditës. Kjo minimizon numrin e individëve me të cilët një votues mund të vihet në kontakt.

– Inkurajoni votuesit që planifikojnë të votojnë personalisht në ditën e zgjedhjeve për të arritur në kohën jo-kulmore. Për shembull, nëse intensiteti i votuesve është më i lehtë në mes të mëngjesit, reklamoni atë termin paraprakisht për komunitetin.

Manualin e plotë mund ta lexoni KËTU:

Veprimet parandaluese që duhet të ndërmarrin punonjësit e zgjedhjeve:

– Qëndroni në shtëpi nëse keni ethe, simptoma të frymëmarrjes ose mendoni se jeni i sëmurë.

– Praktikoni higjienën e duarve shpesh: lani shpesh duart me sapun dhe ujë për të paktën 20 sekonda. Nëse sapuni dhe uji nuk janë të dispozicion, përdorni dezinfektues duarsh me bazë alkooli që përmban të paktën 60% alkool.

– Praktikoni pastrimin rutinor të sipërfaqeve të prekura shpesh me sprej për pastrim shtëpiak: duke përfshirë tavolinat, çelësat e dritës, bravat e dyerve, tavolinat, tualetet, rubinetat, lavamanët, etj.

– Dezinfektoni sipërfaqet që mund të ndoten me mikrobet pas pastrimit,

-Ndiqni udhëzimet e prodhuesit për të gjitha produktet e pastrimit dhe dezinfektimit (p.sh.: përqendrimi, metoda e aplikimit dhe koha e kontaktit, përdorimi i pajisjeve mbrojtëse personale).

– Pastroni dhe dezinfektoni pajisjet e lidhura me votimin (p.sh. makinat e votimit, laptopët, tabletët, tastierat) në mënyrë rutinore. Ndiqni udhëzimet e prodhuesit për të gjitha produktet e pastrimit dhe dezinfektimit.

-Konsultohuni me prodhuesin e pajisjeve të votimit për udhëzime mbi produktet e duhura të dezinfektimit për pajisjet dhe elektronikën e përdorur gjatë votimit.

-Konsideroni përdorimin e pjesëve që pastrohen për elektronikën e përdorur.

– Nëse nuk ka udhëzime nga prodhuesit, përdorni dezinfektuesit me bazë alkooli që përmbajnë të paktën 70% alkool për të pastruar butonat e aparaturave të votimit dhe ekranet që preken. Thani tërësish sipërfaqet për të shmangur grumbullimin e lagështisë.

Masat parandaluese që punëtorët e qendrave të votimit mund të ndëmarrin për vete dhe publikun e gjerë bazuar në të dhënat e disponueshme, masat më të rëndësishme për të parandaluar transmetimin e viruseve në zona të mbushura me njerëz përfshijnë pastrim të kujdesshëm dhe të qëndrueshëm të duarve.

Prandaj: Sigurohuni që tualetet në vendvotime të furnizohen me sapun, ujë dhe letër higjienike, në mënyrë që votuesit dhe stafi të mund të lajnë duart.

-Furnizoni vendvotimin me dezinfektues me bazë alkooli të paktën 60% për përdorim para dhe pas votimit ose hapit përfundimtar në procesin e votimit. Konsideroni vendosjen e dezinfektuesve të duarve me bazë alkooli në vende të dukshme për përdorim të shpeshtë, si tavolinat e regjistrimit dhe daljet nga vendvotimi.

-Përfshini strategji të distancës sociale, si të realizueshme. Strategjitë e distancës sociale rritin hapësirën midis individëve dhe ulin shpeshtësinë e kontaktit midis individëve dhe në këtë mënyrë zvogëlojnë rrezikun e përhapjes së sëmundjes.

-Mbajtja e individëve të paktën 6 metra larg është ideale bazuar në atë që dihet për COVID-19. Nëse kjo nuk është e realizueshme, duhet të bëhen përpjekje për t’i mbajtur individët sa më larg nga sa është praktike.

-Mundësia e strategjive do të varet nga hapësira e disponueshme në vendvotimin dhe numri i votuesve që arrijnë përnjëherë. Punonjësit e qendrës së votimit mund të:- Rrisin distancën midis kabinave të votimit. Kufizojnë vizitorët jo-të domosdoshëm. Për shembull, punonjësit e zgjedhjeve duhet të inkurajohen të mos sjellin fëmijë, nipër e mbesa, etj. në vendvotim, përcjell Telegrafi.

-Rikujtojnë votuesit që pas mbërritjes në vendimvotim të përpiqen të lënë hapësirë midis tyre dhe të tjerëve. Inkurajoni votuesit të qëndrojnë në distancë së paku 2 metra larg njëri tjetrit nëse është e mundur.

Vendvotimet duhet të vendosin shenja për të rikujtuar votuesit dhe punëtorët për distancën sociale që duhet mbajtur. Inkurajojnë votuesit dhe punëtorët që të përshëndesin të tjerët pa kontakt fizik (p.sh., pa shtrëngime dore). Përfshini këtë përkujtues në shenja rreth distancës sociale.

Rekomandime për përpunimin e fletëzave nga posta elektronike

-Punëtorët që merren me procesimin e fletëvotimeve duhet të praktikojnë më shpesh higjenën e duarve.

-Nuk rekomandohen masa paraprake shtesë për ruajtjen e fletëvotimeve.