Një pjesë e të akuzuarve për ngjarjet në Kuvend më 27 prill të vitit të kaluar, vendosën të tërheqin një pjesë të dëshmive të propozuara për mbrojtjen e tyre në procesin gjyqësor që zhvillohet para Gjykatës Penale. Arsyen për këtë në sallën gjyqësore nuk e paraqitën, ndërsa nuk konfirmojnë as nëse ajo është e lidhur me paralajmërimet për pajtim përkatësisht për amnisti.
Para se ta anulojë seancën e sotme gjyqësore për “27 prillin” gjykatësja Dobrilla Kacarska konstaton se mbrojtja ka tërhequr një pjesë të dëshmive dhe e konfirmoi rrjedhën e punës së seancave të ardhshme, dhe ashtu për nesër është parashikuar të vazhdohet me lexim të mesazheve SMS dhe komunikimi në viber nga celularët e të akuzuarve, derisa të hënën më 26 nëntor , duhet të përfundojë edhe mbrojtja e deputetëve Kërsto Mukoski, Sasho Vasilevski, Luben Arnaudov dhe Johan Tarçullovski.
“Prejse mbrojtja tërhoqi një pjesë të dëshmive të propozuara, atëherë për seancën gjyqësore më 26 nëntor mund të thirren dy dëshmitarë të propozuar nga mbrojtja e Mukovskit, ndërsa pastaj të përfundojmë edhe me mbrojtjen e Vasilevskit, Arnaudovit dhe Tarçullovskit, tha gjykatësja Kacarska.
Deputeti Luben Arnaudov për deklaratën e tij tha se së pari do të konsultohet me avokatin e tij, derisa deputeti Johan Tarçullovski tha se e tërheq listën e kompletuar të dëshmive, por edhe se gjithçka që ka për të thënë vetë para Gjykatës.
Kryeministri Zaev të shtunën, në kontekst të ngjarjeve në Kuvend më 27 prill të vitit të kaluar dhe propozimet e pushtetit për pajtim, ndërsa të opozitës për amnisti të tërësishme, theksoi se mund të ketë pajtim vetëm për ata të cilët nuk kanë marrë pjesë në dhunë.
“Të gjithë që nuk kanë marrë pjesë në dhunë dhe nuk ishin pjesë e organizatorëve brenda, unë nuk kam problem përmes tyre ta bëjmë pajtimin. Ajo mund të jetë ligj për amnisti, sjellje e vendimit të Parlamentit në suaza të kompetencave të tij. Ajo nuk është përzierje në gjyqësi, Parlamenti i ka kompetencat e tij”, deklaroi Zaev.
Për ngjarjet në Kuvend më 27 prill të vitit 2017 të akuzuar janë gjithsej 33 persona, prej të cilëve 31 për kërcënim terrorist të rendit kushtetues të shtetit dhe dy për nxitje. Mes të akuzuarve shumica janë deputetë, të punësuar në MPB dhe sigurimi kuvendor, artistë. Ata para Gjykatës thanë se e kuptojnë akuzën, por nuk ndjehen fajtorë.







