Mozilla lançon një shërbim VPN për Firefox
Javën e kaluar Mozilla tha se shfletuesi Firefox do të bllokonte gjurmuesit e palëve të treta për këto ndërsa dje foli për një produkt të ri i cili do tu japë më shumë privatësi përdoruesve.
Quhet Firefox Private Network dhe pretendon se është rruga më e sigurte dhe e enkriptuar për në ueb. Esencialisht kemi të bëjmë me një VPN të Firefox edhe pse Mozilla nuk e quan të tillë.
Rrjeti i ri duket i dobishëm në pamje të parë por ka kufizimet e tij. Është një VPN bazuar në shfletues prandaj nuk do të fshehë asgjë çfarë bëni në internet jashtë Firefox.
Për këtë ju duhet një aplikacion i dedikuar VPN-je për të mbrojtur të gjithë trafikun tuaj të internetit. Mozilla rekomandon përdorimin e Firefox Private Network nëse dëshironi të keni një lidhje të enkriptuar në një rrjet Wi-Fi publik.
Aktualisht ky opsion ofrohet vetëm për përdoruesit Amerikanë dhe është në fazë beta. Nga testimet e para të kryera, shpejtësia e internet bie me afro 17Mbps por që nuk mund të bësh diferencën ndërsa shfleton.
