Mourinho i përgjigjet Tottit: Mëkat që nuk erdha katër vite më parë te Roma
Francesco Totti ka thurrur lëvdata për Jose Mourinhon, duke thënë se Roma ka marrë trajnerin më të mirë në botë.
Kapiteni legjendar i Romës lavdëroi ish-skuadrën e tij për angazhimin e portugezit, por nuk ka vonuar shumë edhe përgjigja nga Special One.
Trajneri portugez ka postuar një foto me Tottin në profilin e tij në Instagram, duke falënderuar atë për fjalët e mira.
Mourinho ka thënë se është mëkat që nuk ka ardhur te Roma katër vite më parë.
“Faleminderit për fjalët e tua Francesko, mëkat që kam ardhur me katër vite vonesë…”, ishin fjalët e teknikut për lojtarin i cili la futbollin e luajtur katër vite më parë.
Në Itali mediat vazhdojnë të shkruajnë për një rikthim të Tottit te Roma në rol drejtues, por deri më tani ende nuk ka asgjë të konfirmuar.
Kujtojmë që Mourinho javë më parë mori drejtimin e Romës, por që ende nuk është prezantuar nga klubi.
