Moti sot në Kosovë

Sot në vendin tonë do të mbajë mot me diell.

Prishtina Weather ka njoftuar se sot në Kosovë do të mbajë mot me diell dhe temperaturat maksimale do të arrijnë deri në 30 gradë celsius, shkruan Demokracia.com.

Sipas Prishtina Weather, në fundjavë moti do të ndryshojë dhe do të ketë rënie të temperaturave si dhe fundjava do të karakterizohet me reshje shiu.

Njoftimi i plotë, pa ndërhyrje:

Temperatura verore ditën e enjte, deri në 30C.  Fundjava me të reshura shiu dhe rënie të ndjeshme të temperaturës ditën e diel.

14.09.2022 – Mot i nxehtë me temperatura verore deri në 30C parashihet për ditën e enjte, me diell e vransira.  Ditën e premte do të ketë edhe më shumë vransira kalimtare, derisa ditëve të fundjavës priten kushte për të reshura shiu, që me gjasë mund të shfaqen orëve të paraditës.  Nga dita e diel edhe temperaturat do të pësojnë një rënie të ndjeshme nën vlera mesatare.

Për ditën e hënë parashihet mot kryesisht me diell, por me mëngjes mjaft të ftohtë, vjeshtor.

Indeksi i cilësisë së ajrit kryesisht do të jetë në vlera të pranueshme dhe të mira në shumicën e stacioneve.  Vetëm në raste të motit me më shumë diell dhe më të nxehtë sikurse ditën e enjte, rritje të koncentrimeve mund të ketë tek ozoni sipërfaqësor, që shtynë indeksin të kaloj edhe në vlera mesatare.

15.09 – Nxehtë, fillimisht kryesisht me diell, e pasdite dhe në mbrëmje shtim i vransirave.

16.09 – Mbetet mot i nxehtë, me vransira e intervale me diell.  Pasdite mundësi edhe për riga lokale shiu.

17.09 – Kryesisht me vransira, paradite me reshje shiu dhe bubullima.  Ditën do të ketë edhe intervale me diell.

18.09 – Më ftohtë, në mëngjes me vransira dhe reshje lokale shiu.  Ditën vransirat fillojnë të shpërndahen.

19.09 – Pas mëngjesit të ftohtë, gjatë ditës kryesisht me diell.

Temperaturat pasi shënojnë rritje dy ditëve të ardhshme, më pas pësojnë rënie të ndjeshme.  Minimalet nga 17C zbresin edhe deri në 5C ditën e hënë, ndërsa maksimalet që arrinë vlera verore ditën e enjte prej 30C, deri të dielen pritet të zbresin në 16C.

Do të fryjë erë mesatare dhe mesatarisht e fuqishme nga jugperëndimi 5-13m/s, e ditën e diel ndryshojnë drejtimin në veri e verilindje.

Shtypja atmosferike pritet të pësojë rënie të theksuar nën vlera mesatare deri ditën e shtunë.