Morën rërë nga plazhi i Sardenjës, çifti francez rrezikon të dënohet me 6 vite burg
Një çift francez rrezikon 6 vite burg pasi u kapën me rërë nga plazhi i Sardenjës, ku ata kaluan disa ditë pushimi. Rëra e bardhë e këtij ishulli italian është e mbrojtur dhe kushdo që guxon të marrë rërë rrezikon gjoba të majme dhe burg.
Çifti rreth të 40-ve kishte marrë rërën në 14 shishe plastike apo rreth 40 kilogramë dhe u kapën nga policia gjatë një kontrolli rutinor ku ata po prisnin të hipnin në traget për të shkruar drejt Francës.
Ata thanë se nuk e dinin që një gjë e tillë ishte e ndaluar, por policia në qytetin verior të Porto Torres tha se ka tabela në disa gjuhë që tërheq vëmendjen për një gjë të tillë dhe iu kujton turistëve se marrja e rërës është krim.
Çifti menjëherë u arrestua dhe po presin vendimin e një gjykatë në Sassari ku rrezikojnë gjashtë vite burg dhe një gjobë deri në 3 mijë euro.
Vjedhja e rërës së bardhë dhe gurëve nga plazhet e Sardenjës është shumë e zakonshme, tha një oficer policie, dhe ekziston një treg i paligjshëm për këtë në internet. Vjedhësit e rërës zakonisht kapen në aeroporte, në kërkime për çanta dhe nga skanerë.
Rëra dhe gurët e sekuestrua nga policia kthehen në plazh në fund të sezonit veror.
