Faton Peci

Miratohet strategjia për Bujqësi dhe Zhvillim Rural, ndahen 2.5 milionë euro për bujqit

Qeveria ka marrë vendim për të ndarë 2.5 milionë euro shtesë për fermerët që janë përfitues të Programit të Pagesave direkte për vitin 2021.

Në mbledhjen e qeverisë shtë miratuar edhe strategjia për Bujqësi dhe Zhvillim Rural 2022-2028.

“Vetëm sot 2.5 milion shtesë me vendim të Qeverisë për fermerët përfitues të Programit të Pagesave Direkte 2021! Bujqësia, për herë të parë me Strategji! Për herë të parë, politikat për zhvillim të bujqësisë dhe zonave rurale do të bazohen në Strategjinë e parë për Bujqësi dhe Zhvillim Rural 2022 – 2028, strategji e cila u miratua sot në Mbledhje të Qeverisë”, ka njoftuar ministri Faton Peci.

Poashtu sot është miratuar edhe Strategjia për Pylltari 2022-2030.

Krahas kësaj, u miratua edhe Strategjia për Pylltari 2022 – 2030 dhe Plotësim-Ndryshimi i Ligjit Nr.02/L-26 për Tokën Bujqësore i cili u harmonizua me dispozitat sanksionuese të Ligjit për Kundërvajtje. Në aspektin legjislativ për 9️ muaj qeverisje kemi realizuar më shumë se për 9️ vitet e kaluara. Dhe kjo edhe një herë vërteton përkushtimin tonë për qeverisje të mirë dhe ligjore”, thuhet në njoftimin e kësaj ministrie.