Ministria e Shëndetësisë nuk përfshin në statistika personat e infektuar me koronavirus në veri të Kosovës, ata do të trajtohen në Serbi
Oficeri për lidhje i Serbisë në Kosovë, Dejan Paviçevic, ka thenë se ekziston protokoli, sipas të cilit të sëmurët me koronavirus dërgohen për trajtim të mëtujeshëm në qendra të ndryshme shëndetësore në Serbi. Ministria e Shëndetësisë e Kosovës nuk përfshinë serbët e infektuar me coronavirus në statistikat e të prekurve me COVID-19.
Gjithësejt tre qytetar serbë të Kosovës janë konfirmuar me COVID-19, një në jug dhe dy në veri derisa për trajtimin e mëtutjeshëm shëndetësor të tyre përkujdesen institucionet shëndetësore në Serbi.
Kjo masë, sipas oficerit për lidhje të Serbisë në Prishtinë, Dejan Paviçeviq është në kuadër të një protokoli. “Ajo çka mund të them është se ekziston protokoli për përkujdesje të të gjithë të sëmurëve nga Kosova dhe se askush nuk do të anashkalohet, ata dërgohen për trajtim të mëtujeshëm mjekësor në Nish, Kragujevc, Beograd, apo edhe në Novi Sad, varësisht nga rrethanat”, ka thenë Paviçeviq për mediet lokale serbe në veri të Mitrovicës.
E ndonëse janë qytetarë të Republikës së Kosovës dhe ndonëse veriu i vendit është pjesë e Republikës së Kosovës, Ministria e Shëndetësisë së Republikës së Kosovës ende nuk i ka përfshirë të sëmurët serbë me koronavirus në statistikat e të prekurve me pandeminë COVID-19. Vetëm një portal serb në veri, “Kossev” ka shkruar, “se numri i të infektuarëve me coronavirus në Kosovës ka arritur në 94, nga të cilët 3 janë nga mjediset me serbë”.
Ndërkaq, Marko Gjuriq, drejtor i të ashtuquajtës Zyrsë për Kosovën në Qeverinë e Serbisë ka thenë të dielën se coronavirusi ka prekur tre qytetarë serbë në Kosovës. “Kur bëhet fjalë për mjediset serbe në Kosovës, tani ndodhemi në udhëkryq, ose do të ketë disciplinë të hekurt, ose do të përballemi edhe me një vatër të re të tmerrshme të epidemisë, në kohën kur njerëzit tanë jetojnë në kushte shumë më të vështira.
Ne veprojmë sipas rekomandimeve të Qeverisë së Serbisë dhe përkujdesemi për qytetarët serbë”, ka thenë ai, duke shtuar se “Serbia ka marrë masa për të siguruar furnizimin e veriut të Kosovës dhe se ushqime dhe artikuj të tjerë të nevojshëm ka mjaftueshëm”.
Në anën tjetër, Shtabi i Krizës në Zveçan ka njoftuar se janë evidencuar 3 persona që kanë ardhur nga Perendimi dhe ato ndodhen në vetizolim, si dhe për 2 persona të tjerë të cilët kanë qenë në kontaktakt me personat që janë infektuar me coronavirus dhe të cilët ndodhen gjithashtu në vetizolim. Epidemiologu Aleksandër Antonijeviq, ka deklaruar të dielën se “sipas rekomandimit të Qeverisë së Serbisë, qytetarët që diagnostifikohen me coronavirus do të dërgohen për shërim në njërën nga klinikat në Serbinë Qendrore, Nish, Kragujevc, Beograd ose Nish. “Ato janë qendrat që janë caktuar me protokolin që aktualisht është në fuqi për pacientet e Kosovës, derisa klinika zgjedhet në bazë të kapaciteteve ekzistuese”, ka thenë Antonijeviq.
Ai ka shtuar se gjatë ditës së diele presin rezultatin e testeve edhe për tre persona të tjerë, një nga Pasjani, një nga Graçanica dhe një nga Mitrovica e Veriut. Ai gjithashtu tha se pret edhe rekomandimin e Ministrisë së Shëndetësisë së Republikës së Serbisë për testimin masiv për COVID-19.
