Ministria e Infrastrukturës anulon tenderin 44 milionë euro, pritet të anulohen edhe shumë të tjerë

Zëvendësministri i Mjedisit, Planifikimit Hapësinor dhe i Infrastrukturës, Hysen Durmishi ka thënë se gjatë ditës së djeshme kanë marrë dy vendime.

Në një konferencë për media ai ka bërë me dije se kanë anuluar një tender prej 44 milionë euro, për mbarëvajtjen e rrugëve.

“Anulimin e procedurës së prokurimit për tenderin “Mirëmbajtja verore dhe dimërore e rrugëve nacionale dhe rajonale të Kosovës për 2021,2022,2023,2024. Vlera e parashikuar e projektit 44 milionë euro. Janë dy arsye se pse ne e kemi anuluar ketë procedurë në këtë faze, ky projekt parashihet të jetë tre vjeçar dhe nuk mund ta ndryshojmë pasi të lidhet kontrata. Ne jemi të interesuar të bëjmë ndryshime në pozicione para masës e poashtu edhe në kritere teknike. Arsyeja e dytë ka të bëjë me kritere teknike. Kriteret do të jenë të tilla që të kenë më shumë kompani të marrin punë. ”, ka thënë Durmishi.