Ministri Peci takon ambasadorin Rohde, konfirmohet mbështetja e Gjermanisë për Kosovën
Ministri i Bujqësisë, Pylltarisë dhe Zhvillimit Rural, Faton Peci ka takuar sot Ambasadorin e Gjermanisë në Kosovë, Jorg Rohde dhe përfaqsuesin e GIZ-it për Kosovë, David Oberhuber.
Në këtë takim u konfirmua mbështetja gjermane ndaj institucioneve të Kosovës.
Ministri Peci i siguroi mysafirët se për sa kohë që do të jetë në krye të këtij dikasteri, do të mbizotërojë transparenca, ligjshmëria dhe meritokracia.
Po ashtu të dyja palët shprehen vullnetin e mirë që të angazhohen në hartimin e strategjive për potencialin e lartë që Kosova ka në zhvillimin e sektorit bujqësor.
Së fundmi, Ambasadori Rohde, i uroi Ministrit Peci punë të mbarë dhe i ofroi përkrahjen e Ambasadës Gjermane në të gjitha sferat të cilat i mbulon Ministria e Bujqësisë, Pylltarisë dhe Zhvillimit Rural.
