Suleyman Soylu

Ministri optimist i Erdoganit: Turqia do ta sundojë botën

“Zoti është me Erdogan dhe qeverinë e tij”. Kështu u shpreh ministri i Brendshëm turk, Suleyman Soylu, lidhur me konfliktin për çështjen e detit me Greqinë.

“Turqia do të sundojë botën duke shkruar historinë” tha më tej ai gjatë një aktiviteti në Ankara.

I konsideruar si një nga njerëzit më të besuar të presidentit Erdogan, ai shtoi se “Ne jemi Turqia. Ne jemi një vend i madh.

Ne jemi një komb fisnik. Idetë dhe filozofitë u promovuan nga paraardhësit tanë dhe janë të vlefshme dhe të domosdoshme në botën e sotme” tha ministri i Brendshëm turk, raporton ABC News.

Ai zbuloi edhe misionin e Ankarasë. “Misioni i Turqisë është t’u japë një dorë vendeve që duan të heqin qafe “shtypjen e kapitalizmit të egër”.

‘Ne gjithashtu kemi një përgjegjësi gjeografike. Ne jemi zemra e gjithë gjeografisë botërore” përfundoi ai.