Ministres Rozeta Hajdari nuk i pengoi që Kosova të përfaqësohet me fusnotë, aty ishte edhe Serbia

Ministrja e Ekonomisë, Punës, Tregtisë dhe Industrisë Rozeta Hajdari përfaqësoi Kosovën në një takim të organizuar në Tiranë nga Këshilli i Bashkëpunimit Rajonal dhe Forumi Ekonomik Botëror.

Forumi i mbajtur për dy ditë në kryeqytetin e Shqipërisë mblodhi përfaqësuesit e Shqipërisë, Bosnje e Hercegovinës, Malit të Zi, Maqedonisë së Veriut, Serbisë dhe Kosovës.

Aty, Ministrja Hajdari është paraqitur me fusnotë, e cila është kundërshtuar vazhdimisht nga kryeministri Albin Kurti dhe Vetëvendosje.

“Rrjedhimisht jemi më pak se shtet, më pak se të pavarur dhe për pasojë nuk jemi. Kjo qeveri pranoi fusnotën që na konteston shtetësinë dhe e hoqi fjalën republikën nga emërtimi i shtetit”, kishte deklaruar Kurti në një seancë të Kuvendit më 2012.

Ndërsa shpjegimi për fusnotën thotë: “Ky emërtim nuk paragjykon statusin e Kosovës dhe është në përputhje me Rezolutën 1244 dhe mendimin e GJND’së mbi Deklaratën e Pavarësisë së Kosovës”.

Fusnota për herë të parë është shfaqur më 2012, kurse të gjitha përfaqësitë e trupave të OKB’së në Kosovë e shtuan fjollën dhe fusnotën, e cila thirret në Rezolutën 1244.