Milani pëson dy gola në fund dhe mposhtet nga Sassuolo në “San Siro”. Përshendetët me titullin
Një humbje shumë e hidhur ka ardhur për Milanin në xhiron e 32 të kampionatit italian Serie-A.
Skuadra e Piolit edhe pse ishte duke avancuar me rezultat minimal 1-0 deri në minutën e 76, pësoi dy gola të shpejtë dhe u mposht nga Sassuolo më rezultat 2-1 në stadiumin “San Siro”.
Ishte mesfushori turk Hakan Calhanoglu ai i cili e kaloi Milanin në epërsi në monutën e 30’ duke realizuar një gol të bukur dhe duke shkuar në pushim me këtë epërsi.
Por, “Rossonerët” u befasuan në 15 minutat e fundit të ndeshjes ku pësuan dy gola të shpejtë.
Ishte Raspadori ai i cili e përmbysi epërsinë e Milanit me dy gola të shpejtë në minutat 76’ dhe 83’ duke e lënë Milanin me duarbosh në këtë takim.
Kuqezinjtë kanë 66 pikë në vendin e dytë, kurse Sassuolo 49 në vendin e tetë.
