Milan dhe Roma duan transferimin e Alvaro Moratas
Alvaro Morata mund të rikthehet sërish në Itali, për herë të tretë gjatë karrierës së tij.
Sulmuesi spanjoll ka kaluar dy periudha të ndryshme te Juventus, nga 2014 – 2016 dhe nga 2020 në 2022 si i huazuar, njëherë nga Real Madrid dhe herën e dytë nga Atletico.
Por reprezentuesi spanjoll mund të rikthehet sërish në elitën e futbollit italian, pasi dy top klube nga Serie A janë vënë pas tij.
La Gazzetta dello Sport ka raportuar se Roma dhe Milan janë dy klubet e interesuara për sulmuesin spanjoll i cili është i gatshëm të largohet në verë nga Atletico Madrid.
30-vjeçari ka kontratë me Los Colchoneros deri në verën e vitit 2024 dhe nuk e sheh vetën pjesë të Atleticos edhe për edicionin e ardhshëm.
Edhe klubi spanjoll dëshiron ta shes sulmuesi në mënyrë që pas një viti mos të largohet i lirë.
Mediumi italian ka raportuar se Roma e Milan janë duke e përcjellë situatën e Moratas dhe duan transferimin e tij, për faktin se edhe mund ta përballojnë pagën e tij prej 4,7 milionë eurove në sezon.
Morata këtë edicion ka zhvilluar 40 ndeshje në të gjitha garat për Atletico Madridin, ku ka realizuar 13 gola e ka asistuar në tre të tjerë.
