Drejtori i Institut të Kosovës për Drejtësi, Ehat Miftaraj, e ka kritikuar Qeverinë Kurti për shfrytëzimin e ambasadave të Kosovës për tubime politike të kryeministrit Albin Kurti.

Ai ka ironizuar me këtë çështje duke thënë se në ambasada ka zyrtar që merren vetëm me organizimin e ndejave dhe tubimeve politike për kryeministrin, shefen e diplomacisë dhe zyrtarët tjerë të pushtetit.

Në profilin e tij në “Facebook”, Miftaraj ka shkruar se kjo qeveria i ka kthyer ambasadat në agjenci turistike për aranzhime të hoteleve, sallave e ndejave private.