Mërgimtari rrahet me sigurimin e Agjencisë së Regjistrimit Civil (VIDEO)
Një mërgimtar bashkë me motrën e tij pasi kanë ardhur nga Belgjika në Kosovë, kanë pasur një përplasje me sigurimin e Agjencionit për Regjistrimin Civil në Ministrinë e Punëve të Brendshme.
Për këtë rast ka raportuar edhe Policia e Kosovës, e cila tha se nga kjo përleshje janë lënduar tre persona, njofton Klan Kosova.
Një nga të lënduarit ishte edhe motra që kishte tentuar të ndërhyjë për t’i ndarë.
Ata kanë pranuar tretman mjekësor dhe me vendim të prokurorit pas intervistimit palët janë liruar dhe rasti shkon në procedurë të rregullt.
Motra Gj. Ll. ka thënë se punonjësi i sigurimit e ka sharë dhe kërcënuar me jetë vëllanë e saj.
Sipas saj ata kishin shkuar atje për të marrë një vulë për certifikatën e lindjes për përdorim në Belgjikë.
Ajo ka dërguar edhe videon nga momenti i rrahjes:
https://www.youtube.com/watch?time_continue=5&v=MwEAtruCZWU
