Luciano Spaletti
Mediat italiane ‘shkatërrojnë’ Luciano Spalettin me një analizë brutale për paraqitjen në Euro 2024
Mediat italiane i janë përgjigjur paraqitjes zhgënjyese të skuadrës së tyre, e cila u eliminua nga Euro 2024.
Fazat eliminatore të Kampionatit Evropian 2024 nisën të shtunën mbrëma, me kampionët në fuqi, Italinë, duke u përballur me Zvicrën.
Dhe skuadra zvicerane e mbajti reputacionin e saj si një skuadër që nuk duhet nënvlerësuar, duke siguruar një fitore vendimtare 2-0 ndaj Italisë në Olympiastadion të Berlinit.
Humbja do të thotë se Italia nuk ka arritur të shkojë në çerekfinale të Euros, përfundimi i tyre më i keq që nga viti 2004.
Dhe mediat italiane kanë reaguar për ndeshjen, duke ofruar një vlerësim brutal për trajnerin Luciano Spaletti.
Gazeta italiane La Repubblica shkroi: “Mund të bëni karbonara vetëm nëse keni vezë, mish pule dhe djathë pecorino. Nëse keni vetëm hudhër dhe pak vaj ulliri, duhet të ndryshoni recetat. Por jo, ai nuk e kuptoi këtë”.
Ndërsa toni i komentit ishte me shaka, tema ishte shumë serioze pasi gazeta sugjeronte se Spaletti nuk ishte në gjendje të drejtonte skuadrën italiane, e cila do të luajë në Ligën e Kombeve kundër Francës në shtator.
Ata i krahasuan vendimet e tij me procesin e krijimit të një karbonara, diçka për të cilën italianët shpesh kritikojnë fqinjët e tyre evropianë.
Megjithatë, pavarësisht paraqitjes së dobët, është konfirmuar se Spaletti do të qëndrojë si trajner i kombëtares italiane.
