Më shumë se 200 persona u plagosën në sulmet iraniane në Izrael, sipas shërbimit izraelit të urgjencës Magen David Adom, ndërsa ministria iraniane njoftoi se të paktën 800 njerëz u plagosën në sulmet izraelite në Iran.

Fillimisht kishte 70 të plagosur në Izrael, dy prej tyre në gjendje të rëndë. Tre persona u vranë, transmeton Ballkani.info.

Në Iran, sipas shifrave zyrtare të qeverisë, të paktën 800 njerëz u plagosën në sulmet izraelite, dhe sipas ambasadorit të Iranit në OKB, Amir Saeed Iravani, pothuajse 100 u vranë.

Ushtria izraelite ka goditur objektivat në Iran që nga mëngjesi i së premtes. Qeveria izraelite thotë se dëshiron të parandalojë Republikën Islamike nga zhvillimi i armëve bërthamore.

Irani u përgjigj me sulme me dron dhe raketa ndaj Izraelit. /Ballkani.info/