Vetëm gjashtë vetura të ndihmës së shpejtë, ka në dispozicion spitali rajonal i Pejës.
Me këtë veturë, spitali mundohet që të kryejë shërbime, por shpesh gjatë intervenimit kjo veturë i ka lënë pacientët në rrugë, raporton KTV.
Sipas qytetarëve, autoambulancat nuk janë në gjendje të mirë për të funksionuar.
Shefi i shërbimit teknik të spitalit të Pejës, Idriz Kurmehaj, tha se të gjitha autoambulancat i kanë donacion.
Ndërsa, drejtori Skënder Dreshaj, tha se pritet që shumë shpejt të pajisen me autoambulanca të reja.
Ndryshe, ky është viti i parë që nga paslufta, që spitali i Pejës, ka buxhet 100 mijë euro nga Ministria e Shëndetësisë për blerjen e autoambulancave.







