Babë e bir Bane dhe Aca Jevtiq u rrahën të shtunën në fshatin Krçevac, teksa po dilnin nga Topola, pasi djali i tyre u tha njerëzve që po shkonin në një tubim në Beograd të “pomponi, pomponi”.

Plaku Jevriq pësoi një frakturë të kockave të fytyrës dhe të hundës dhe u shtrua në spital në Qendrën Klinike në Kragujevc, transmeton Ballkani.info.

“Po kthehesha nga një punë me babain tim dhe u ndalëm në një restorant për të pirë, rrugës për të dalë nga Topola. Kishte disa makina të parkuara dhe autobusë që erdhën, njoh shumë njerëz personalisht. Unë bërtita ‘pomponi, pomponi’ dhe fillova të futem në restorant”, tha Aca Jevtiq për N1, duke përshkruar se si ndodhi sulmi.

Jevtiq thotë se njëri nga grupi filloi ta shante dhe ta godiste në kokë dhe se ai mori një gur për t’u mbrojtur. Kur e pa se sulmuesi po largohej, hodhi një gur dhe u nis drejt babait të tij dhe aty pa disa burra duke e rrahur.

“Babai im vetëm po përpiqej të qetësonte situatën, është 62 vjeç, jopolitik dhe i ngopur me gjithë situatën, nuk flet. Kur u ktheva, dy-tre persona e goditën, ai aktualisht është në Qendrën Klinike në Kragujevc, ka fraktura në fytyrë dhe hundë, mavijosje”, tha ai për N1.

Ai tregon se ai dhe babai i tij janë thirrur në polici për të dhënë deklaratë, ndërsa sulmuesit janë kthyer në autobus dhe kanë vazhduar rrugën për në Beograd.

Sot në Beograd po mbahet një tubim në mbështetje të Lëvizjes për Popullin dhe Shtetin, ndërsa presidenti Aleksandar Vuçiq sonte do t’u drejtohet përkrahësve të SNS-së dhe asaj lëvizjeje. /Ballkani.info/