Masakër

Masakër në funeral, 9 të vrarë në dy sulme të njëpasnjëshme me armë zjarri

Nëntë persona janë vrarë në dy sulme në Ciudad Juarez, në veri të Meksikës, pas të shtënave gjatë natës dhe funeralit pasues të një njeriu që u vra, tha të shtunën zyra e prokurorit lokal.

Sulmi i parë u regjistrua të premten gjatë natës në shtëpinë ku kanë qëndronin të afërmit e të ndjerit. Në të humbën jetën tre persona.

Trupi më pas u transportua në një tempull të shtunën, ku një grup burrash të armatosur ndërprenë procesionin e varrimit dhe hapën zjarr, duke vrarë gjashtë persona të tjerë.

Në total viktimat janë gjashtë burra, dy gra dhe një fëmijë.

Dy persona u plagosën gjithashtu në dy sulmet, tha në një deklaratë zyra e prokurorit të shtetit Chihuahua në veri të Meksikës.

Ciudad Juarez, i vendosur në kufirin me SHBA-në përballë El Pasos, Teksas, është një nga qytetet më të dhunshme në Meksikë.

Më shumë se 1,400 vrasje u regjistruan atje në vitin 2021, shumica e tyre në përleshje të përgjakshme midis bandave rivale të kontrabandës së drogës. /ora news/