Ndeshja kualifikuese për Kampionatin Evropian U21, ndërmjet Bullgarisë U21 dhe Uellsit U21, do të gjykohet nga gjyqtarët nga Kosova.
Gjyqtar kryesor do të jetë Visar Kastrati, i cili do të ndihmohet nga asistentët Besnik Morina dhe Lumturije Muhadri, kurse gjyqtari i katërt është caktuar Mervan Bejtullahu.
Për gjyqtaren e futbollit Lumturije Muhadri, e cila do të jetë asistente e dytë, kjo do të jetë ndeshje debutuese në arenën ndërkombëtare.
“Muhadri debuton në këtë rang garash dhe do të bëhet femra e parë shqiptare që gjykon në konkurrencën e meshkujve në garat e UEFA-së”, njofton FFK-ja.
Ndeshja ndërmjet Bullgarisë U21 dhe Uellsit, do të zhvillohet në stadiumin “Slavia” në Sofje, më 7 shtator prej orës 17:30.







