Lumir Abdixhiku sqaron përfundimisht pozicionin e tij politik, tregon se a do të garojë për deputet
Ish-ministri i LDK’së, Lumir Abdixhiku, në emisionin Pressing të T7, ka folur rreth pozicionit të tij politik brenda LDK’së. Ai ka mohuar se do të kalojë në ndonjë parti tjetë.
“Unë e kam bërë të qartë edhe me Osmanin se e gjithë veprimtaria ime është në LDK. Asnjëherë s’e kemi hapur temën që unë të kalojë diku tjetër”, është shprehur Abdixhiku.
Ai tha se sheh vetëm LDK’në si parti politike në vend, ndërsa me VV’në ka dallime të mëdha.
“Dallimet e mia me VV’në janë shumë të mëdha. Për aq sa vlej dhe besoj ideologjikisht unë shoh vetëm një parti politike në vend”.
“Vjosa Osmani ka pasur të drejtë kur ka thënë se “Unë dhe Lumiri asnjëherë s’do të vijmë në VV”, shtoi Abdixhiku.
