Lotus lanson së shpejti hipermakinën e re, që deri tani është quajtur Type 130 (Foto)
Tani që e kemi parë siluetën, dihet edhe se si do të quhet ky model
Kur kanë mbetur edhe disa javë, të lansimit të hipermakinës së re nga Lotus, është mësuar se si quhet modelit që deri më tani është emëruar si Type 130, derisa ishte në zhvillim.
Auto Express raportohet se makina është quajtur Evija, që nuk dihet nëse e ka ndonjë kuptim.
Në aplikimin për patentë, është parë se ky emër është përdorur edhe për të quajtur pjesët endyshme që vijnë me makinën, si dhe lodrat që ngjajnë me të.
Derisa Lotus ka refuzuar të komentojë lidhur me raportin, mund të thuhet se nëse nuk e përdor këtë emër në këtë hipermakinë që vjen së shpejti, sigurisht se do ta emërojë ndonjë makinë tjetër.
Kompania nuk ka dashur që këtë hipermakinë ta prezantojë në Goodwood Festival of Speed, që fillon gjatë javës që vjen, por do ta shfaqë gjatë një organizimi në Londër me 16 korrik.
Meqenëse nuk prezanton makina shpesh, ky model pritet të jetë shumë i avancuar dhe me dukje të mirë.
