Liverpooli i ofron kontratë të re Milnerit

Klopp shpreson ta ketë edhe për të paktën një apo dy vite Milnerin në “Anfield”.

Trajneri i liverpoolit, Jurgen Klopp, ka konfirmuar se klubi është në bisedime me James Milner për kontratën e re.

Milnerit do t’i skadojë kontrata në fund të sezonit, çka do të thotë se ai është i lirë të nënshkruajë para-kontratë me ndonjë klub të ri që në janar.

Por, Klopp është optimist se Milner do të vazhdojë të qëndrojë në “Anfield”.

33-vjeçari është pjesë e Liverpoolit që nga viti 2015.

Ai ka bërë 185 paraqitje me Redsat, ka shënuar 23 gola dhe ka dhuruar edhe shumë asiste.

Milner ka fituar UEFA Champions Leaguen me Liverpoolin.