LIVE: AMERIKA PO FESTON
Kandidati i nominuari demokrat për president Joe Biden, ka fituar zgjedhjet presidenciale. Mëngjesin e së premtes u konfirmua se ai tejkaloi 270 votat elektorale që i duhen për tu bërë president i 46’të i SHBA’së. Ndërkohë shteti që ia dhuroi 29 vota elektorale Bidenit, po çmendet duke festuar zgjedhjen e tij president.
Në rrugët e Nju Jorkut, Uashigtonit, Los Angelosit dhe shtete e qytete tjera amerikane, njerëzit kanë dalë për të festuar.
Festë e madhe po bëhet para Shtëpisë së Bardhë në Uashington, shkruan Ballkani.info.
Ndërkohë zëvendëspresidentja e tij, Kamala Harris bëri historinë duke u bërë gruaja e parë e zgjedhur në këtë post.
Gjithashtu para Shtëpisë së Bardhë po mblidhen njerëz për të festuar fitoren.
Demokrati Joe Biden është zgjedhur presidenti i 46-të i Shteteve të Bashkuara të Amerikës pas një garë të ashpër me republikanin, Donald Trump, i cili synonte të merrte edhe një mandate të dytë si njeriu i parë i Amerikës.
Biden në gjithë procesin e numërimit të votave ka qenë duke prirë, derisa vendimtare ka qenë përmbysja që i ka bërë në Trumpit në shtetin e Pensilvanisë.
Tashmë Biden ka mbi 270 vota elektorale, të cilat ia mundësojnë hyrjen në Shtëpinë e Bardhë si i pari i Amerikës.
Përgjatë historisë, Joe Biden, njihet për afërsinë dhe miqësinë shumë të ngushtë me shqiptarët, sidomos me Kosovën.
Përgjatë viteve të 90-ta, ai ka qenë avokues i madh i lirisë së Kosovës dhe kishte kërkuar me ngul që SHBA të bombardonte Serbinë./Express/
