Pas u bllokuar nga serbët

Lirohet rruga Mitrovicë – Bërnjak

Lirohet rruga Mitrovicë – Bërnjak që ishte e bllokuar nga serbët lokalë pas vizitës së sotme të presidentit Hashim Thaçi në Ujman. Serbët që kishin bllokuar rrugën në hyrje të Zubin Potokut që nga ora 17 e ditës së sotme, janë shpërndarë dhe rruga është liruar për qarkullim.

Lajmin për Kallxo.com e ka konfirmuar zëvendësdrejtori i Policisë së Kosovës në Mitrovicën Veriore, Besim Hoti.

Sipas tij, rruga është liruar për qarkullim rreth orës 22:00.

“Bllokada ka përfunduar. Qytetarët janë shpërndarë dhe rruga është hapur për qarkullim në 22:00”, ka thënë zëvendësdrejtori i Policisë së Kosovës në Mitrovicën Veriore, Besim Hoti.

Gjatë konferencës së jashtëzakonshme për media para pak kohe, presidenti serb, Aleksandar Vuçiq, u bëri thirrje serbëve të Kosovës që të zhbllokojnë rrugën.