Lidhja Demokratike e Kosovës përmes një komunikate për media kanë thënë se si parti i falënderojnë të gjithë qytetarët e Kosovës dhe anëtarësinë për përkrahjen dhe qetësinë e treguar pas informacioneve se po planifikohej atentat ndaj kryetari të LDK-së, Lumir Abdixhiku dhe tre deputetëve të tjerë.
Në njoftim partia që drejton Abdixhiku kanë falënderuar edhe partnerët ndërkombëtar për përkrahjen lidhur me këtë rast.
Ndërkohë bëjnë thirrje që organet e rendit në përputhje me seriozitetin e situatës të bëjnë hetime të pavarura dhe “të ruajnë profesionalizmin si dhe diskrecionin lidhur me këtë proces hetimor”
Njoftimi i plotë:
Komunikatë për Medie
Lidhja Demokratike e Kosovës falënderon gjithë qytetarët e Kosovës në përgjithësi dhe anëtarësinë e saj në veçanti për përkrahjen dhe qetësinë e treguar deri më tani lidhur me informimin për planifikimin e atentateve ndaj kryetarit të LDK-së, Lumir Abdixhiku, dhe tre deputetëve të LDK-së.
Po ashtu LDK-ja falënderon partnerët ndërkombëtarë për mbështetjen e dhënë lidhur me këtë rast.
LDK-ja u bën thirrje organeve kompetente që, në përputhshmëri me seriozitetin e situatës, në të cilën cak potencial janë katër përfaqësues të qytetarëve të Kosovës, të zhvillojnë hetime të pavarura dhe të ruajnë profesionalizmin, si dhe diskrecionin lidhur me këtë proces hetimor.






