LAJMI I FUNDIT: Rrjedh rezervuari i gazit në Kllokot, zjarrfikësit me shpejtësi evitojnë rrezikun (FOTO)

Një rast intervenimi me rrezikshmëri të lartë kanë pasur në orët e para të ditës së sotme zjarrfikësit e Vitisë. Ata me urgjencë kanë reaguar në bllokimin e rrjedhës së gazit nga një rezervuar me sasi diku 36000 litra në qendren rehabilituese në Kllokot, këtë të premte rreth orës 9:15, raporton PlusTV.

Lajmin e ka konfirmuar për Plus TV, shefi i kësaj njësie në Viti, Hetem Jakupi, i cili ka thënë se ekipa menjëherë ka shkuar në asistim afër një rezervuari, dhe shumë shpejt e kanë bllokuar rrjedhjen e metejme të gazit nga rezervuari duke evituar kështu ndonjë shpërthim i cili do të rrezikonte jetën e njerëzve.

“Me daten 22.07.2021 në ora 22:15 është paraqit një rast në Njësin Profesionale të Zjarrfikjës dhe Shpëtimit në Viti se te Qendra rehabilituese “Nëna Naile” në Kllokot, një bombol gazi me kapacitet prej 36m3 me vëllim 36000 L ka rrjedhje gazi. Ekipa e Zjarrfiksave menjëherë ka shkuar në asistim afer këtij rezervuari, dhe personeli i njësisë shumë shpejt e ka bllokuar rrjedhjen e metejme të gazit”, tha ai.