LAJMI I FUNDIT: Identifikohen dy viktima tjera, nënë e bijë nga Gjakova mbetën të vdekura në aksidentin tragjik në Kroaci
Një aksident i rëndë komunikacioni ka ndodhur mëngjesin e së dielës në autostradën Bregana-Lipovac afër Slavonski Brod.
Reporteri.net mëson nga burimet e saj, se në mesin e dhjetë viktimave janë edhe dy gra nga komuna e Gjakovës.
Gazeta mëson se viktimat ishin nënë e bijë dhe po udhëtonin nga Gjermania për në Kosovë bashkë me 65 pasagjerët tjerë që ndodheshin në autobusin e Deva Tours.
Reporteri.net po ashtu mëson se vajza është e moshës madhore, mbi 18 vjeç.
Përveç dy viktimave të lartpërmendura, edhe shoferi që humbi jetën në aksident ishte po ashtu nga Gjakova.
Identiteti i nënës dhe vajzës që gjetën vdekjen në aksidentin tragjik është i njohur për redaksinë e Reporteri.net, por për shkak të ndjeshmërisë së rastit, Gazeta ka vendosur që të mos i publikojë.