Senati amerikan ka dështuar të sigurojë votat e mjaftueshme për të fajësuar ish-presidentin Donald Trump për nxitje të kryengritjes.
Vota finale ishte 57:43, duke nënkuptuar që Senatit i munguan dhjetë vota për ta fajësuar ish-presidentin, në procesin e dytë të “impiçmentit”.
Shtatë republikanë iu bashkua demokratëve në votimin për fajësimin e Trumpit, por s’ishte e mjaftueshme që ai të dilte fajtor.
Më 6 janar ishin organizuar protesta të dhunshme në ndërtesën e Kongresit pasi Trumpi kishte ftuar përkrahësit e tij për të protestuar kundër fitores së Joe Bidenit në zgjedhjet e 3 nëntorit.







