Kandidati i Aleancës për Ardhmërinë e Kosovës (AAK) me numër 90, Lahi Brahimaj, ka realizuar një vizitë në dy bodrume të njohura të verës në Rahovec, Daka Wine dhe Eko Wine, të cilat i ka cilësuar si shembuj të mirë të përkushtimit ndaj punës dhe dashurisë për vendin.
Përmes një postimi publik, Brahimaj ka theksuar rëndësinë e prodhuesve vendorë në zhvillimin ekonomik të Kosovës, duke vënë në pah se sektori i verarisë në Rahovec është një histori suksesi që dëshmon potencialin e bujqësisë dhe agropërpunimit në vend.
Ai ka shprehur mbështetjen e tij të vazhdueshme për bizneset lokale, duke nënvizuar se përkrahja institucionale është thelbësore për rritjen e prodhimit vendor, hapjen e vendeve të reja të punës dhe promovimin e produkteve kosovare në tregjet rajonale dhe ndërkombëtare.
“Krah, si gjithmonë,” ka deklaruar Brahimaj, duke ritheksuar angazhimin e tij politik për të qenë pranë fermerëve, prodhuesve dhe sipërmarrësve që kontribuojnë drejtpërdrejt në zhvillimin ekonomik dhe në forcimin e identitetit prodhues të Kosovës.
Rahoveci njihet si qendër e verarisë në Kosovë, ndërsa vizita e kandidatit të AAK-së vjen në kuadër të takimeve të tij me biznese dhe iniciativa që promovojnë punën, traditën dhe zhvillimin e qëndrueshëm.







