Kryeministrit të Kosovës, Albin Kurtit, do t’i duhet sot të zgjohet më herët që të bëhet gati, me qëllimin e vetëm që të takohet me Presidentin e Serbisë, Aleksandar Vuçiqin.
Kush do ta besonte se një ditë, kundërshtari i madh i dialogut pa kushte me Serbinë, Albin Kurti, do t’i duhej të zgjohej me alarmin e orës që të mos i vonohet asnjë minutë në takim, presidentit serb?
Kush do ta besonte se një ditë, njeriu që protestoi për një dekadë kundër dialogut me Serbinë, do të bie e do të zgjohet nga gjumi duke menduar për takimin me presidentin serb?
Por, ja që, erdhi dita për ta besuar se sot Albin Kurti do të ulet në takimin e radhës, për të disatën herë, me Presidentin e Serbisë. Ky takim është më ndryshe se të gjithë të tjerët, sepse Kurtit do t’i duhet të zgjohet herët, shumë herët.






