Kurtit i dështon tubimi përmbyllës në Podujevë, numër i vogël i pjesëmarrësve
Podujeva ka qenë një ndër destinacionet e fundit të kryetarit të Lëvizjes Vetëvendosje, Albin Kurti, ku ka mbajtur takimin përmbyllës përpara heshtjes zgjedhore për zgjedhjet lokale.
Në një video të siguruar nga Gazeta Express prej Sheshit të qytetit në Podujevë, shihet një numër i vogël i pjesëmarrësve që kanë dalë në përkrahje të kandidatit të VV’së për Podujevën, Shpejtim Bulliqi.
Në Podujevë po përflitet për një ri-ngritje të LDK’së me kandidatin Ekrem Hysenin në garën zgjedhore.
Madje, në sondazhet e fundit Ekrem Hyseni është parashikuar të marrë 45.65 për qind, derisa Shpejtim Bulliqi 42.95 për qind.
Në zgjedhjet e jashtëzakonshme të mbajtura këtë vit, Komunën e Podujevës e pati fituar Bulliqi pa balotazh.
