Kurti viziton shpellën ku ishte fshehur për gjysmë shekulli trupi i Azem Bejtës
Me rastin e 95 vjetorit të rënies së Azem Bejtës, një delegacion i Lëvizjes Vetëvendosje vizituan shpellën ku atëbotë ia fshehën trupin bashkëluftëtarët dhe ku për gjysmë shekulli preheshin eshtrat e tij në fshatin Përçevë të Klinës.
Më tej, kreu i VV-së Albin Kurti ka vizituar Galicën e Vushtrrisë ku ndodhet varri i prijësit të çetave guerile shqiptare i cili për 12 vjet rresht luftoi e rezistoi kundër forcave serbe të Nikola Pashiqit.
Në Galicë, Kurti ka bërë homazhe duke vendosur lule bashkë me aktivistë të Qendrave Vushtrri e Skenderaj.
Azem Bejtë Galica ishte luftëtar i madh i Komitetit Kombëtar për Mbrojtjen e Kosovës.
“Drenica, Kosova dhe i gjithë populli shqiptar e kujtojnë me krenari gjersa në historinë tonë ai ndrit me kryengritjen e tij”, thuhet në njoftimin e VV-së.
