Kryeministri i Kosovës, Albin Kurti, ka pritur të hënën në Prishtinë, emisarin e Bashkimit Evropian për dialogun Kosovë – Serbi, Peter Sorensen. 

Në njoftimin e Zyrës së Kryeministrit është thënë se në takim u bisedua për zhvillimet e fundit në vend e po ashtu për procesin e dialogut të ndërmjetësuar nga Bashkimi Evropian. 

“Qeveria e Republikës së Kosovës mbetet e përkushtuar për normalizim të plotë të marrëdhënieve me Serbinë me njohje reciproke”, thuhet nga Kryeministria. 

Sorensen të hënën u prit edhe nga ministri i Jashtëm i Kosovës, Glauk Konjufca. Sorensen u njoftua se Ministria e Jashtme e Kosovës do të jetë përgjegjëse për dialogun me Serbinë.