Kurti falënderon vajzën e Madaleine Albright për investimet, LVV-ja e kishte kërcënuar ish-sekretaren amerikane për PTK-në
Kryeministri i Kosovës, Albin Kurti, ka filluar vizitën zyrtare në Shtetet e Bashkuara të Amerikës.
Përmes një cicërime në Twitter, Kurti ka njoftuar se është takuar me drejtoreshën e Korporatës së Sfidave të Mijëvjeçarit (MCC), Alice Albright.
Alice Albright është vajza e sekretares Madaleine Albright, të cilën Lëvizja Vetëvendosje e kishte kërcënuar se do të përballej me të personalisht kur të vinte në Kosovë.
Kurti ka thënë se ka biseduar me Albright për nisjen e negociatave të Kompaktit të Kosovës.
“Një nder i veçantë për t’u takuar@MCC_CEO Znj. Alice Albright dhe për të nisur negociatat të Kompaktit të Kosovës. E falënderova për punën e palodhshme të MCC-së për të mundësuar Kompaktin, i cili do të bëhet investimi më i madh në sektorin e energjisë në Kosovë dhe që ripohon lidhjen e ngushtë që ndajnë vendet tona”, shkroi Kurti.
A special honor to meet @MCC_CEO Ms. Alice Albright & kick-off Kosova Compact Negotiations. I thanked her for MCC's tireless work in enabling the Compact, which is set to become the largest investment in the 🇽🇰 energy sector & reaffirms the close bond our countries share. 🇽🇰🇺🇸 pic.twitter.com/rDSI1yxI5n
— Albin Kurti (@albinkurti) May 6, 2022
Më shumë se një dekadë pas përfundimit të luftës, duke qenë faktor kryesor në bombardimin e Jugosllavisë, ish-sekretarja amerikane Madeleine Albright kishte vendosur të investonte në Kosovë. Kompania e saj “Albright Capital Management Llc” i ishte futur garës me 7 kompani të tjera vendore dhe ndërkombëtare për blerjen e Postës dhe Telekomit të Kosovës. Ajo ishte kundërshtuar fuqishëm asokohe nga Lëvizja Vetëvendosje, e cila me aktivistët e vet në mënyrë të organizuar edhe e kishte kërcënuar.
Demokracia.com kishte publikuar ekskluzivisht letrën që aktivistët e LVV-së ia kishin dërguar asaj në mënyrë të organizuar.