Goran Radosavljeviç, i njohur me nofkën “Guri”, i lindur në vitin 1957 në Arangjelovac të Serbisë, që me vendim të veçantë ishte dërguar në Kosovë për të shuar rezistencën e armatosur të UÇK-së në fillet e para të organizimit, po kërkohet tani nga kongresmenët amerikan që të arrestohet dhe të ekstradohet në ShBA si i dyshuar për vrasjen e vëllezërve Bytyqi.
Në një foto ai shihet para shtëpisë së komandantit legjendar të UÇK-së, Adem Jashari në Prekaz të Drenicës ndërsa në një foto tjetër pas sulmit në Gllogjan të Dukagjinit me 24 mars të vitit 1998.
(Foto e realizuar para shtëpisë së familjes legjendare të Adem Jasharit pas masakrës së tyre)
Krimineli Goran Radosavljeviç, është ai që kishte udhëhequr ekspeditat serbe kundër familjes Jashari, më 5, 6 dhe 7 mars 1998 në Prekaz, ku ra heroikisht komandanti Adem Jashari dhe u masakruan afër 60 anëtarë të familjes së tij.








