Kufomë e dekompozuar gjendet në det nga peshkatarët në Durrës

Një kufomë e dekompozuar është gjetur në det nga peshkatarët në Durrës.

Trupi i pajetë u konstatua në ujërat e Adriatikut, paralel me Porto Romanon në një thellësi 80 metra, nga anija e peshkimit ”Prima”.

Sipas peshkatarëve, konstatimi i seksit të kufomës ka qenë i vështirë për shkak se ishte në proces dekompozimi.

Peshkarexha ka nxjerrë trupin në breg, ndërsa pritet që ekspertiza mjeko-ligjore të përcaktojë shkakun e vdekjes dhe të japë më shumë detaje për të lehtësuar identifikimin e saj.