Kryeministri grek: Prishtina po i hedh benzinë zjarrit me veprimet e fundit
Kryeministri i Greqisë, Alexis Tsipras, ka thënë se vendimi i Qeverisë së Kosovës për taksë ndaj produkteve serbe dhe krijimi i Ushtrisë së Kosovës, janë veprime të papranueshme.
Sipas tij më këto veprime Prishtina po i hedh ‘benzinë zjarrit’, dhe nuk po i kontribuojnë stabilitetit të rajonit, shkruan B92, transmeton Gazeta Express.
Këto deklarata Tsipras i ka bërë gjatë një takimi në Beograd me Aleksander Vuçiqin.
“Dëshiroj të theksoj se këto iniciativa nuk kontribuojnë në stabilitetin e rajonit, por shkaktojnë destabilizim. Ne duhet ta themi këtë. Vuçiq dhe qeveria serbe kanë një puna të vështirë”, ka thënë kryeministri grek.
“Unë dënoj veprimet e Kosovës, sepse ata janë duke shtuar benzinë në zjarr. Unë e mbështes Serbinë në këtë rrugë dhe përpjekjen për të gjetur një zgjidhje, sepse kjo është perspektiva për të ruajtuar stabilitetin në rajon”, ka thënë Tsipras.
