Krasniqi: Shqiptarët e Preshevës s’guxojnë t’i tregojnë letërnjoftimet në kufi
Profesori universitar, Milazim Krasniqi, ka komentuar marrëveshjen e arritur për dokumentet mes Kosovës dhe Serbisë.
Ai, në një postim në Facebook, ka shkruar se reciprociteti i Kurtit është që “shqiptarët e Luginës së Preshevës nuk guxojnë t’i tregojnë në kufi të Serbisë letërnjoftimet e Kosovës”, sepse sipas tij, në atë çast u konfiskohen dhe fshihen nga regjistrat.
Ndërkaq për serbët e Kosovës, profesori Krasniqi, thotë se mund të hyjnë dhe të dalin me letërnjoftimet e lëshuara nga Serbia.
“A po i thoni qitij idiotizmi reciprocitet?”, ka pyetur Krasniqi në fund.
Postimi i plotë:
Qe qysh është reciprociteti i Kurtit: shqiptarët e Luginës së Preshevës nuk guxojnë t’i tregojnë në kufi të Serbisë letërnjoftimet e Kosovës, sepse në çast u konfiskohen dhe fshihen nga regjistrat. Ndërsa serbët e Kosovës, pra të Kosovës, mund të hyjnë e të dalin me letërnjiftimet e lëshuara nga Serbia. A po i thoni qitij idiotizmi reciprocitet?
