Kozmonautët rusë në Stacionin Ndërkombëtarë Hapësinorë mund të mbesin pa dalë jashtë në hapsirë, për shkak se periudha e garancionit të kostumeve hapësinore është duke skaduar.
Kjo u bë e ditur nga, Drejtori i përgjithshëm i ndërmarrjes projektuese dhe prodhuese `Zvezda`, Sergej Pozdnyakov. Sipas Pozdnyakov, veshjeve që janë të disponueshme në Stacionin Ndërkombëtarë Hapësinorë është duke ju përfunduar afati dhe nuk ka kontratë për prodhimin e veshjeve të reja.
Që mese tri vite jemi munduar për të bindur drejtuesit që të fillohet me prodhimin e kostumeve të reja por deri me tani nuk kemi arritur të lidhim ndonjë kontratë të re.
Edhe në rast që së shpejti lidhet ndonjë kontratë e re, prapë do të ketë vonesa në prodhimin kostumeve hapësinore, pasi që ka mungesë të materialeve që nevojiten për prodhimin e kostumeve.
Bazuar në procedurat për furnizim me materiale, vetëm për specifikat teknike për materialet që nevojiten për prodhimin e kostumeve duhet së paku një vit.
Kostumet `Orland-ISS` që janë përdorur deri me tani janë prodhuar në vitin 2017 dhe kanë qenë të krijuara për 20 dalje në hapësirë. Për shkak të mungesës së tyre si rezervë i kanë shfrytëzuar edhe kostumet një gjeneratë më të vjetra `Orland-MK`, të cilat kanë qenë të krijuara për 15 dalje në hapësirë.







