Kryeministri Edi Rama tha se pas konfirmimit të dy rasteve të para të personave të infektuar me koronavirus në Shqipëri, qeveria është përgatitur për skenarin e parë të shfaqjes së fenomenit në Shqipëri.

Në mbledhjen e qeverisë, thërritur pak orë pas konfirmimit të dy rasteve të para në Shqipëri, Rama bëri thirrje për qetësi.

Po ashtu, dha urdhër për mbylljen e të gjitha shkollave si dhe anulimin e të gjitha aktiviteteve deri më 3 prill.

“Masat e sotme janë pezullimi i fluturimeve drejt veriut të Italisë dhe drejt zonave të kuqe, deri më 3 prill. Mbyllja e arsimit në të gjithë vendin. Është momenti të mbyllim të gjitha institucionet arsimore dhe të kërkojmë mbylljen e të gjitha aktiviteteve, dëgjesa publike, deri më 3 prill”, tha Rama.

Rama theksoi se OBSH kundërshton me forcë mbylljen e kufijve.

“Është një masë shumë drastike, e përdorur thuaj se fare, ose pjesërisht në raste shumë specifike, të lidhura me të dhëna shumë specifike që Shqipëria nuk i ka. Ne planin e veprimit e kemi në tryezë dhe sot me konfirmimin e rastit të parë, futemi në skenarin e parë”, vijoi kryeministri shqiptar.

Qeveria ka vendosur një fond prej 400 milionë lekësh, për të plotësuar disa nevoja të kësaj faze të sistemit