Para false
Konfiskohen 490 euro false në Graçanicë, ishin monedha metalike nga 2 euro
Policia e Kosovës ka njoftuar se ka konfiskuar para false në fshatin Preoc të Graçanicës.
Paratë e konfiskuar kanë qenë monedha metalike 2 euro, vlera e të cilave arrinte 490 euro.
“Ankuesja femër kosovare zyrtare e bankës, ka raportuar se nga klient të ndryshëm janë deponuar monedha metalike 245×2€ në vlerë 490 € të cilat dyshohet se janë të falsifikuara”, thuhet në njoftim.
Policia bën të ditur se monedhat janë konfiskuar dhe rasti është duke u hetuar.
