Mikrobiologu

Komuna e Kaçanikut nderon me mirënjohje mikrobiologun Lul Raka

Mikrobiologu Lul Raka u nderua sot me mirënjohje nga kryetari i komunës së Kaçanikut, Besim Ilazi për punën e tij të jashtëzakonshme në sensibilizimin e qytetarëve në luftën kundër virusit COVID.

Ilazi tha se profesori Lul Raka, ishte zëri sensibilizues në luftë kundër pandemisë në Kosovë.

“Ai na bëri krenar neve si kaçanikas, me përfaqësimin e tij dinjitoz si një profesionist i vërtet shëndetësor. Ai ishte pjesë e stafit mjekësor vullnetar në luftimin e Ebolës në Liberi, ndërsa përvoja e tij e jashtëzakonshme shërbeu në shtetin tonë në luftën kundër COVID 19. Respekt për të gjithë kaçanikasit që i japin të mira vendit tonë”, tha Ilazi.