Ashtu siç ishte paralajmëruar nga Drejtoria e Porteve gjatë ditës së sotme dallgët në det kanë shkuar nga 7 deri në 8 Ballë.

Për pasojë kapiteneria e Portit të Vlorës ka bërë thirrje për marrjen e masave.

Mësohet se trageti i linjës Vlorë-Brindisi, ka mbërritur rreth orës 7 e 30 të mëngjesit, por ka njoftuar se është anuluar kthimi për në Itali i parashikuar për në mesditë.

Po ashtu kapiteneria ka thënë që të merren masa edhe për pezullimin e lundrimit detar.

Situata ka qenë më e normalizuar në portin më të madh në vend atë të Durrësit.