Klaudia Pepa shkëlqen në Festivalin e Venecias, mediat e huaja shkruajnë për të

Balerina shqiptare me famë në Itali, Klaudia Pepa ka qenë mbrëmë e ftuar në Festivalin e Filmit në Venecia, një nga eventet më të mëdha ku parakalojnë në tapetin e kuq aktorë, regjisorë e producentë nga e gjithë bota.

Klaudia i ka mahnitur të gjithë me pamjen duke u shfaqur me një fustan të zi shumë elegant që i tregonte më së miri format perfekte trupore.

Balerina e kishte plotësuar veshjen me aksesorë, si varëse, byrzylyk e unazë me diamante që e bënin të shkëlqente edhe më shumë. Detaje të tjera në look-un e Klaudias ishin flokët me onde dhe makeupi natyral.

Në fotot e postuara në rrjete sociale, Klaudia e quajti: “magjik” parakalimin në tapetin e kuq të këtij eventi.

Për balerinën shqiptare kanë shkruar edhe mediat e huaja si prestigjiozja “Corriere della sera” apo “Vanity Fair”.

loading…