Këta janë 50 lojtarët e La Ligas që ende janë në kërkim të së ardhmes së tyre – mund të krijohet një super formacion

Afati kalimtar në La Liga ka edhe dy javë për tu mbyllur dhe shumë yje janë në kërkim të së ardhmes së tyre.

Janë pothuajse 50 lojtarë të nivelin të lartë në Spanjë, e ardhmja e të cilëve mbetet mister, duke mos e ditur se ku do të jenë ata në shtator.

Ka raste të ndryshme si nga situata e James Rodriguez në Madrid, tek të rinjtë që janë në pritje të një shansi të parë.

Revolucioni i Sevillës

Monchi është rikthyer te Sevilla dhe ai ka disa javë përpara për t’i mbyllur disa marrëveshje. Ai ka sjellë shumë lojtarë këtë verë, por tani ai duhet t’i largojë disa.

Duke filluar me emra si Sergi Gomez, Simon Kjaer, Joris Gnagnon, Sebastien Corchia dhe Guilherme Arana të gjithë kanë nevojë për një mjedis të ri.

Gjashtë lojtarë të Levante, aty edhe Armando Sadiku

Antonio Luna, Ivan Lopez, Cheick Doukoure, Sanjin Prcic, Fran Manzanara dhe Armando Sadiku të gjithë janë në kërkim të për klubi të ri, pasi Levante nuk beson në shërbimet e tyre.

Alaves ka pesë, që duhet të lëvizin, Valencia ka katër dhe Getafe kan tre.

Emra të mëdhenj
Disa lojtarë të mëdhenj po ashtu janë në kërkim të një klubi të ri. James i Madridit, Rafinha i Barcelonës dhe madje edhe Angel Correa dhe Nikolla Kalinic të Atletico Madridit ende mund të shiten.

Pasiguria për të rinjtë
Ka të rinj ose lojtarë më pak të njohur që nuk e kanë të lehtë. Alex Martin në Leganes duhet të gjejë një klub të ri, siç bën edhe Jason i Valencias.

Ky i fundit kërkohet nga Levante, por edhe Mallorca, Getafe, Osasuna ose Leganes.

Më poshtë mund ta gjeni një formacion me këta yje.