Katër raste të reja në Maqedoninë e Veriut, janë nga Dibra
Ministri i Shëndetësisë Venko Filipçe njoftoi se në vend ka edhe 4 raste të reja me virusin korona. Numri i të prekurve në Maqedoninë e Veriut shkon në 13. Filipçe njoftoi se qeveria do të shpallë gjendje krize në Dibër dhe qendër të Zhupës.
“Në mbledhjen e sotme qeveria miratoi që të shpallet gjendje krize në Dibër dhe qendër të Zhupës. Sot pacientët janë në gjendje stabile, përveç pacientes së parë nga Dibra, e cila mund të vendoset në aparate të frymëmarrjes. Sot kanë ardhur rezultate nga Dibra për 10 pacientë, ndërsa 4 kanë rezultuar pozitivë”-tha mes tjerash Filipçe.
Filipçe njoftoi se gjatë ditës së sotme një udhëtar ka arritur nga Gjermania, shtetas i Maqedonisë së Veriut me simptoma dhe i njëjti po testohet.
Koronavirusi në shifra, për gjithë botën:
- 139.016 të infektuar me koronavirus
- 5.116 humbën jetën si pasojë e koronavirusit
- 70.727 të shëruar nga koronavirusi
